Inlay

Instagram está a despregar unha das funcións máis demandadas polos seus usuarios: a posibilidade de asignar unha descrición diferente a cada diapositiva dun carrusel de imaxes ou vídeos. Ata agora, todas as publicacións deste tipo compartían un único texto común, o que limitaba as posibilidades narrativas e obrigaba a concentrar toda a información nunha soa descrición.

A Deputación da Coruña entregou este venres 19 de xuño, no Coruña Estudio Inmersivo (CEI) emprazado na Cidade das TIC, os Premios do Plan de Emprego Local (PEL) 2026, os galardóns cos que a institución provincial recoñece cada ano o talento, a innovación, a capacidade de xerar emprego e o compromiso co territorio das empresas, autónomos e iniciativas emprendedoras da provincia.

Reforzar a accesibilidade dos seus contidos e facer máis doado o acceso á información institucional é o obxectivo perseguido pola Deputación de Ourense coa incorporación á súa páxina web dunha nova funcionalidade. Estamos a falar do botón “Escoitar”, unha ferramenta que permite a lectura en voz alta dos textos publicados no portal provincial.

O Concello de Ames, a través da Concellaría de Promoción Económica e Emprego, creou a Guía de Empresas de Ames, un proxecto que ten o obxectivo de ofrecer a empresarios e usuarios amesáns unha base de datos das empresas e do comercio local.

A Facultade de Educación e Traballo Social do Campus de Ourense foi o escenario elixido este xoves 18 de xuño para a celebración das Xornadas Educación e Videoxogos. A actividade estivo organizada polo profesor deste centro Millán Brea, contando co apoio da Vicerreitoría do Campus de Ourense.

Este mércores 18 de xuño pola tarde o enxeñeiro malagueño Carlos García Galán, director executivo do programa da base lunar da NASA, que sentará as bases para as misións a Marte, ofreceu unha conferencia no Campus de Ourense. A súa intervención, dirixida a alumnado universitario e non universitario, foi organizada por FEUGA, a Escola de Enxeñería Aeronáutica e do Espazo e a Escola Superior de Enxeñaría Informática. Nela falou da exploración lunar e do papel da innovación tecnolóxica e a colaboración internacional no futuro das misións espaciais.

Embracer Group aproveitou o seu informe anual correspondente ao exercicio 2025/26 para debuxar tanto a súa profunda reestruturación corporativa como a súa visión sobre a evolución do mercado dos videoxogos. O conglomerado sueco, propietario ou controlador de máis de 400 franquías e responsable de 53 estudios de desenvolvemento repartidos por preto de 30 países, considera que a actual xeración de consolas aínda ten percorrido por diante e sitúa a chegada da vindeira PlayStation, como mínimo, en 2028.

Este mes naceu unha nova compañía de telefonía baixo a marca Española de Telefonía, promovida polo cantante Bertín Osborne baixo o lema «as cousas ben feitas, as cousas a dereitas» e destacando que dende a compañía se senten «orgullosamente españois».

O Clúster TIC Galicia celebra a súa asemblea xeral ordinaria e extraordinaria o vindeiro 30 de xuño no Auditorio Carlos V do Hotel Monumento San Francisco, en Santiago de Compostela. A cita anual reunirá ás empresas asociadas nunha xornada “orientada a fortalecer o coñecemento mutuo, fomentar novas alianzas e impulsar vías de participación e colaboración dentro do ecosistema tecnolóxico galego”, explicaron dende o Clúster.

Os logros en materia de Administración Electrónica de Estonia, o país máis avanzado de Europa a nivel de dixitalización pública, centraron este xoves 18 de xuño unha sesión impartida polo investigador da Universidade Tecnolóxica de Talín David Ramiro Troitiño, nun coloquio na sede da Vicerreitoría do Campus de Pontevedra.