Inlay

7 ابني الكبير كان صف خامس وهو عم يتزلج وقع وانفتح جبينه كمان وقفت معه لحتى خلص وأكيد كمان نزل ضغطي ودخت.. وبعدين يمكن تمسحت من ورا ابني الكبير وقصصه🤣🤣🤣🤣 مع الملاحظة زوجي طبيب ، لكن أنا يلي بوقف مع الأولاد بهيك مواقف😁😎

6 وقت بنتي طلعلها كتلة دهنية بعينها ولازمها عملية(كانت صف سادس)،وقفت جنبها وقويتها ، لكن بس خلصت العملية أنا صرت بالأرض

5 كمان المطبخ، بس هالمرة ببيتي وعم أحضر فطور وابني الكبير كان عمره 3سنين واقف جنبي وفتح البراد، وكان ابوه قبل بيوم فاتح علبة اناناس معدن وحاططها بباب البراد، وابني بحب الأناناس، قلي بده، قلتله بس أشغل تحت الابريق، ماخلصت جملتي إلا ابني بقلي ماما ليش في كتشب بالأرض(ابني بصمته مشوهة من ورا هالقصة)يتبع

4 وقت بنتي وقعت وانفتح جبينها، عملتلها الاسعافات اللازمة لحتى أخدها أخوي عالمشفى وقطبولها ياه(كان عمرها سنتين وكنت ولدانة جديد وزوجي مسافر)بقيت متماسكة لحتى أخدها أخوي وبعدها صرت بالأرض😂😅 وأختي الصغيرة صحتني

هلق بدي أحكي بعض الملاحظات.. أنا مابحب الابر، لكن بنفس الوقت بقدر أضغط على حالي باللحظات الخطيرة، وعلى حالي ما بخاف، بس وقت يكون على غيري بتأثر

3/كنت بكلوريا أو اكبر شوي، بوقتها أختي الله يرحمها بدها تعمل دراسة للجامعةعن تأثير الصيام على الدم وهالقصص.. مسكينة هي لسا ماسحبتلي ولا حتى شكتني بالابرة،يادوب مسكتلي ايدي وأنا رجعت لورا وماحسيت، وطبعا ماسحبتلي😅😂 قالتلي حلي عني، الحق علي بدي أستخدم نتائجك بدراستي (كانت دكتورة وعم تختص مخبر)

المرة التانية كنت اعدادي وكمان بخزن المطبخ حكيتلكم عن الخزن العلوية بس ماقلتلكم أنهم طابقين فأنا من كسلي حتى ما أحط كرسي وأسكر الطابق التاني،فتحت الخزانة السفلية وخليتهم يحتكوا ببعض حتى أسكر وحدة بوحدة، لكن للأسف رفعتهم زيادة وطلعت من المفصلة ونزلت فوق راسي وأنفي🤣🤣

أول مرة بتذكرها كان عمري يمكن 4سنين، كنت شيطانةمطبخ أهلي خشب كندي شغل أبوي، وكانوا الخزن أرضية وعلوية(من الأعلى)جيت طلعت عالبلاطة لأفتح الخزانة ولأنه شغل أبوي ماشاءالله متين ، أفتح الخزانة ماتفتح صرت أشد كتير بالأخير فتحت لكن تزحلقت ووقعت عالارض وماأشوف حالي غير بتخت أمي وانبسطت لانه مارحت عالروضة😁😂

قلتلكم كذا مرة.. رح أبدأ السرد فتحضروا😅🤣 عالاغلب رح تكون كل قصة بتحليقة، حتى ما تملوا 😁 ونقول .. بسم الله. . . . . . . . . . . . .