Sjarmant byld fan botsend plattelân by ‘De Fulkaan’
Iepenloftspul De Fulkaan lit sjen dat ek op it plattelân botsingen net frjemd binne. De idealist dy’t mei goede bedoelingen foar in grutte foarútgong fan de mienskip fjochtet. De ûndernimmer dy’t deroan fertsjinje wol. De gekke wittenskipper dy’t oan it ein mear gelyk hat as elk tinkt. En bewenners dy’t mei de ferskillende winen meiwaaie. Se binne it lang net altyd mei-inoar iens. Mei ek wat absurde ynbring smyt dat in sjarmant en werkenber iepenloftspul op.
